熱血既小伙子第一次係尖沙咀Busking係8年前既事。每逢星期六，每次唱6小時，風雨不改。為的就是鐘意唱歌，鐘意表演。
佢窮佢唔識人佢無資源，所以佢由零閉關自學音樂。世界話做音樂冇出路唔能夠生存。佢硬頸佢唔信，佢想無悔賭一鋪，佢毅然離開舒適既行業出走，係香港地搞音樂。
呢趟旅程由尖沙咀走出香港，走過到台灣，馬來西亞，什至去過德國既慕尼黑。時間一點一點過去，當年勇敢追夢既小伙子終於夢想成真，由全職「玩」音樂，變成全職「做」音樂。
言而佢係奔跑既過程中，不知不覺間跌左好多好多野，亦都遺忘咗好多好多野。佢開始厭倦唱歌，開始討厭入錄音室。除了工作以外佢唔想再聽到音樂，只想享受一刻寧靜。音樂係佢生命從享受變成了批判，批判自己做得唔夠好，唔到"Standard"。
每一次演出都變成了佢既「工作」，為了滿足別人既期望，於是幕前對佢黎講變成了折磨。一件西裝外套也就成為左佢唯一保護自己既外殼，穿上了，工作Mode On；脫下了，工作Mode Off。
做自己，原來係幾咁昂貴。
佢拎番起10年前果支封滿塵既結他，果支係MK 4舊水有找既痴fret廢柴木結他。佢記番起，當初擁有第一支結他既果種喜悅，當初係尖沙咀維威喂Busking既爽快。
「這十年來做過的事，能讓你無悔驕傲嗎？」如果人生有第四次進化長大，大概係勇敢地跟十年前的自己對話吧？
其實你，打從心裏面只係想做番一個柒下柒下既戇鳩仔。果個18歲無憂無慮係K房嗌歌既戇鳩仔。係咪呀龜殼？
Search